WENDE NYASAYE 31 - 07

1 Paki Nyasaye mogwedhowa. Ji duto pake e piny ka; Paki Yesu, Malaika, Paki Jakony, Muya Maler. Amin.

1 Nyasacha, mond` awuoth kodi,  kaka Enok nowuotho chon;  Mak lueta mond kik aluor,  Mond` ayud twak mamit kodi;  Kata ok ane yo maber,  To Yesu mond` awuoth kodi. 2 Ok dak awuothi kenda ngang`;  Yamo malich kudho e piny;  Obadho ng`eny madi maka;  Wasigu ng`eny malworoa;  In minyalo kweyo yamo,  Ruodha, ni mond` awuoth kodi. 3 In ka imako lueta, Ruoth,  nakwan gik mag piny ka nono;  Namak wuodha katimo chir,  Nadhi nyime nyak` achopi  E dalani, Zayun maler;  Jawarwa, mond` awuoth kodi. (Amen)

1. Wuo gi chunya, Ruoth Yesu, Wuona gi dwol mamuol,  Kiwachona gi ng`wono, "Ok idong` kendi ngang`; "  Yaw chunya mond` awinji, Awinj dwondi piyo;  Mi chunya mond` opaki, Kamor kuomi chutho.      Wuona gi dwol mamuol chuth,       kinyisa herani; Ni mondo alo richo       Kawauotho kuom Roho;       Wuo koda ndalo duto,       Wuona gi dwol mamuol;       Ageno singruok mari:       "Ok idong` kendi ngang`." 2 Wuo gi nyithindi pile, Tergi e yo maler;  Pong`gi gi mor gi ilo, Puonjgi rito galam;  Mondo giwalni chunygi, Kod ngimagi duto,  Ru biro mar pinyruodhi, Mondo waneni, Ruoth. 3 Wuo koda kaka chon cha Niwuoyo gi jogi;  Nyisa gino Midwaro mondo atini, Ruoth;  Ni  mondo amak chikni, Kendo amiyi duong`;  E ngimana gi wuodha mond` apaki pile.  (Amen)

1. Ruoth maler, adwari pile! An ayom, An ng`a marach; Mak lueta kitaya pile, Tekona nayud kuomi.           Saa duto, saa duto,           Ruoth maler adwari pile;           Saa duto, saa duto,           Ruodha, rita saa duto. 2. Chuny mamuol mondo imiya; Richo osekethoa; Puonja mondo ang`e yomna, An akwayi tekoni. 3. Ok naluor kitaya pile; To kenda nagora piny; Wuothi koda, yaye Jakonya, In lerna, In ngimana. 4. Kata gi manade biro, Kata mor, kata kuyo; Chunya pod otwere kuomi, In Jakonya saa duto. (Amen)

1 Kristo, ok an, ni mond` oyud duong`; pile. Kristo, ok an, onego ji winje;  Kristo, ok an, kite one e ringra;  Kristo, ok an, wechene di chungi. 2 Kristo, ok an, mahoyo chuny makuyo;  Kristo, ok an, manyal golo pi wang`; Kristo, ok an, makonyowa e chandruok;  Kristo, ok an, magolo luorowa. 3 Kristo kende, kik agomb ng`ato moro;  Kristo kende, to kik chunya ting`re;  Kristo kende, kik apakra gi berna;  Kristo, kende ni mond` agur ringra. 4 Kristo, ok an, mageno e tich duto;  Kristo, ok an, ni ngimana pile;  Kristo, ok an, ni morna gi kuwe mara;  Kristo, ok an, pile be nyaka chieng`. (Amen)

1 Yesu, mond` itawa pile, wadwaro mond` iritwa; Gi chiembi mamit yieng` chunywa, Yienwa bedo e kwedhi, Yesu Kristo, Yesu Kristo, Iseng`iewowa, wan jogi. Yesu Kristo, Yesu Kristo, Iseng`iewowa, wan jogi. 2 Wan jogi, bedi Osiepwa, Bed Jatendwa e wang`yo; Rit kwedhi, kik richo lowa, Manywa kwabayo e yo; Yesu Kristo, Yesu Kristo, Winjwa ka walamoi. Yesu Kristo, Yesu Kristo, Winjwa ka walamoi. 3 Iseyie kaka niruakwa, kata wan jo moketho; In ing`won mondo iwenwa, luokwa, pwodhwa gi rembi; Yesu Kristo, Yesu Kristo, wanalokre iri, Ruoth. Yesu Kristo, Yesu Kristo, wanalokre iri, Ruoth. 4 Konywa mondo watim maber, Mi watim gi midwaro; Ruoth maler, Jawarwa kende, Pong` chunywa gi herani. Yesu Kristo, Yesu Kristo Mond` iherwa mosiko. Yesu Kristo, Yesu Kristo Mond` iherwa mosiko. (Amen)

1 Kama Yesu chon notho e yath, Rembe nochwer ni jomaricho; Kanyo noluoko chunya mapoth; Pakuru Yesu.           Pakuru Yesu, Pakuru Yesu;           Kanyo noluoko chunya mapoth,           Pakuru Yesu. 2 Nosewarowa e kethruok te, Koro Yesu odak e chunya; Yesu noruaka gi herane; Pakuru Yesu. 3 Amor niwira oseluoka, E thidhiya ma nochwer ni wan; Yesu owara, oritoa; Pakuru Yesu. 4 Biuru ni sokoni mamit; Miuru Yesu chunyu koro; Mondo ubedi maler chutho, Pakuru Yesu. (Amen)

1 Nyasachwa En e Lwandawa, En Lwandawa mogeng`owa; Jakony e chandruokwa duto, Mobedo machiegni chutho.           En Lwandawa e chandruok duto,           En tipo ka ma wayueyo;           Jatelo, En motelonwa;           Kar pondo e ndalo chandruok. 2 Kata wach bet nade kodwa, En Lwandawa mogeng`owa; Wang`eyo kaka En Jakony, Mobedo machiegni chutho. 3 Gotieno kata godiechieng`, En Lwandawa mogeng`owa; Kamano ok wanaluor ngang`, Nikech En machiegni kodwa. 4 Nyasachwa e makonyowa, En Lwandawa mogeng`owa; Ndalo duto Entie kodwa, Obedo machiegni chutho. (Amen)

1. Adwaro Ket kod Yesu; Ruodha mond` odag koda,  Pong` chunya gi herane, Abed mang`won kaka En.  Adwaro ket kod Yesu kawuotho e pinyni ka;  Oket Muche e chunya, Ruodha mond` odag koda. 2 Kowinjo yuak mar winyo, kendo ritogi mang`won,  Ang`eyo nowinj yuakna, Ong`eyo chandruokna te;  Enochikna ngimana, Enowena kethona;  Chunya nobedi maler ka Ruodha odak koda. 3 Aket kode kuom lemo, Amed chal kode pile;  Kuwe mare opong` chunya kasiko bute pile;  Norita kuom ng`wonone, Herane nolo chunya;  Nabet gi geno chutho ka Ruodha odak koda. (Amen)

1 Kik ibarna, yaye Jakonya, Winji yuak mara;  In Kiluongo jo mamagi, Mond` iluonga be.           Yesu, Yesu, Winji yuak mara;            In Kiluongo jo mamagi, mond` iluonga be. 2 An kaparo ng`wono mari chunya yudo kuwe;  Ka agoni chonga piny ka, Jawarna, Konya. 3 An ageno nyingi kende, Adwaro neni;  Changi chunya moseketho, Wara gi rembi. 4 Miwaso ohewa kodi, To agombi nga`ng;  Ere ng`a maromo kodi E piny gi polo? (Amen)

1 Aheri, aheri, aheri Ruodha; Aheri, Jawarna, bende Nyasacha; Aheri, aheri, kendo ing`eyo; To kaka aheri, timbena nohul. 2 Amor ka aparo mwandu moikna; To morna ok norum kasomo wachni; To agombo chopo e polo malo, Mond` abed gi Yesu gi malaika. 3 Ruoth Yesu, Jawarwa, In e ngimana; In morna, warruokna, In kar yueyona; Napak nyingi kendo nawer herani; Ng`wononi nonyisre kuom kit ngimana. 4 Onge ng`a machalo kod Yesu Jawar; En Ruodha mohera, napake maber; Napake, nadende kod wende mag chuny; En kende magene, morna gi wenda. (Amen)

1 Jawarna to ni Yesu, En morna gi wenda; Ohoyoa gi wachne, ka chunya okuyo. Jawarna to ni Yesu; Anapake kawer; Osiepna moro onge, moheroa ka En. 2 Yesu ni ng`a mageno, ndalo duto Entie; Ka piny otimo mudho, Lerne omenyoa. 3 Agenoi Jawarna, Osiep mageno chuth; Yandi ahero bayo, koro abet buti. 4 In e wenda gi morna, E pinyni mar chandruok; In e wenda gi morna, kadonjo e polo. (Amen)

1. In e ngimana mochwere moloyo duto me piny; E wuodha duto me piny ka, Jawar yie awuoth kodi. Kodi Ruoth, kodi Ruoth, Kodi Ruoth, kodi Ruoth; E wuodha duto me piny ka, Jawar yie awuoth kodi. 2 Ok alem ne mor mar pinyni, ok alem mond` ayud dwong`; Na ti gi mor kat e chandruok, Yie mondo awuoth kodi. Kodi Ruoth, kodi Ruoth,  Kodi Ruoth, kodi Ruoth; Na ti gi mor kat e chandruok, Yie mondo awuoth kodi. 3 Telna e pinyni mar mudho ting`a mondo alo piny; Eka mondo adonj kodi e ngima ma ok norum. Kodi Ruoth, kodi Ruoth,  Kodi Ruoth, kodi Ruoth; Eka mondo adonj kodi E ngima ma ok norum. (Amen)

1 Ji duto te mondo giwer ka gipako Jawar, Ka gipako Jawar;  Gipak duong` mar Ruoth Nyasachwa kod ng`uonone maduong`. 2 Ruodha maduong` gi Nyasacha konya mondo ahul;  Konya mondo ahul Duong` mar Nying Ruoth gi Jawarna E kuonde duto te. 3 Yesu en nying makelo mor, Ogolo kuyowa;  Ogolo kuyowa En wer mamit ni jaricho En ngimana kod kuwe. 4 Oketho teko mar richo Ogonyo jomotwe, ogonyo jomotwe;  Rembe nyalo luoko richo Rembeno nochwerna. (Amen)

1. To en ng`a man e kund dhok, ma jokwath olamo cha? En e Ruoth! To en Jawarwa En e Ruoth! Moloyo duto Wanagone chongwa piny;  Pakeuru Yesu Ruoth. 2. To en ng`a e thim kucha, ma Satan ne otemo? 3. To en ng`a mayuak e liel, kama Lazaro onindoe? 4. To en ng`a ma ji pako, nikech weche mag ng`wono? 5. To en ng`a mathiedho ji, ma noyawo wang` muofuni? 6. To en ng`a mochier maber, ma noloyo tho adier? 7. To en ng`a moherowa, ma nogolo richowa? 8. To en ng`ano mano gur, ma nochandore malit? (Amen)

1. Nying mamit e piny gi polo, Nying moloyo nying duto; Nyingno ma Nyasaye nochiwone Wuode mohero chuth.           Nying maber moloyo, Nying Jawarwa Yesu;           Nying ma noa e polo kuom wuoro;           Malaika maler ema nokelogo,           Nying` mamit maber mar Yesu. 2. Nying mamiyo chunya yueyo, Anapak nyingno chutho; Anahul nyingno e nyim ji, Nying mamitna moloyo. 3. Anawer kapako nyingno, gi hera mowarowa; Anapake ndalo duto, Nying moloyo nying duto. (Amen)

1. Yesu Jakwath moheroa, Okecha ndalo duto;  An ok achand gimoro ka, Owuotho koda nyaka chieng`. 2. Naweyo yo nalal marach, To En Owuon nodwara;  Noting`a mos e goke to, Nomor kotera dalane. 3. Kar lek mamit, kar pi mang`ich, Otera kanyo pile;  Okwayoa, oritoa, Yesu Jakwath mang`won adier. 4. Ka tho nitie adagi luor ka Yesu bedo koda;  Ohoyoa, Osiroa, En bende e motelona. 5 . Opedho mesa nyima ka, Otimo sap misango; Omiya mor gi cham maler, Remb Yesu miyo chunya yom. 6. Kendo kama ti onge nyaka chieng`, Igwedha ndalo duto;  Jakwath maber adendi ma, E odi ndalo duto ka. (Amen)

1 Apako hera Nyasaye Wuoro mochiwona Rohone; Maloko kuyona bedo mor koweyona richona; Kata mudho olil manade, osesingo nobed buta Omiya ler marieny e mudho, Kendo ber e kar richo.           Omiya mor - - - e saa mar kuyo           Ogolona luoro mar tho           Omiya ler marieny e mudho           Kendo ber e kar richo. 2 Awero hera mar  Jawarna manotho e yath ni an, Ni mondo kobedo e chunya nogonya kuom twech duto; Obiro waro jomaricho obiro konyo chuny mool, Omiya mor e saa mar kuyo, kendo ber e kar richo. 3 Apako ber mar wach injili monyisa weche mamit; Nomiya mor mar nyiso lerna, ka manade ma antie, Orwaka gi law mar herane ka chunya opong` gi luoro; Omiya ler marieny  e mudho, kendo ber e kar richo. (Amen)

1. Duto paki, Ruodh Polo, Dhano, bende gik moko;  Nichweyogi ni mondo gipaki mowinjore;  Jo maler e pinje te, Duto paki; wan bende. 2. Duto paki otieno, sulwe be marieny malo;  Chieng` oporo duong`ni, to lietne nyiso herani;  Wuok chieng` nyaka podhone, Duto paki; wan bende. 3. Duto paki e polo, Seraf kod jokerubi;  Dwond asele, thum Nyasaye, Dwonde ji makulore;  Wendgi ok ogik ngang`, Paki pile; wan bende. 4. Duto, malo kata piny, Paki paki mak gi ri;  Chwiri, oro, dongo cham, Dhano kende e mobam;  Winy, gibuya, gik mamol, Dak wapaki kaka gin. 5. Dhi imany rombe molal, nyisgi kaka Wuod Nyasaye; Nosetho ni keth mag piny, puonjgi mos kuom Piny Manyien;  Migi konywa pako Ruoth, Nyaka chieng` ma nyaka chieng`. (Amin)

1. Koro ka wachokore, Ni mondo wahing Yesu,  Wanapar Yesu Kristo, Wanayiee gi chunywa;  Koro wahingo Yesu, Ma notho e Kalwari. 2. Ka wachamo mkate ni, Kawamadho kikombe ni,  Wanahing ringre Jawar Ma nogur e yath ni wan;  Wanahing remb Ruoth Yesu ma nochwer e Kalwari. 3. Nyasachwa, ornwa Muchi, mondo donji e chunywa;  Koro wahingo Wuodi, kaka En notho niji,  Kaka rembe nochwernwa, Ka notho e Kalwari. (Amin)

1. Wuonwa, gonywa gi gweth mari,  Pong` chunywa gi mor gi kuwe; Miwa duto herruok mari, kethowa bende iwe.  Miwa geno, miwa geno, Ka wawuotho e pinyni. 2. Wachiwo pak gi mor bende, Kuom weche mioronwa;  Ka wamako chikni chutho, Wanabed e herani.  Konywa timo, konywa timo, gi kinda nyaka ibi. 3. Ka wawuotho e piny kae, ber wati ni In kende;  Ber wati ni In kende; konywa ka walu e yori,  Kik wajogi, kik wawe. Bedi kodwa, bedi kodwa,  Ka wawuok, bende kwake. (Amin)

1. Nyasaye, wachungo ka wawer kae, Ni mondo igwedhwa ka pok wadhi;  Wadwaro lami, ka wan nyimi ka,  Ka wagochongwa lamoi gi kuwe. 2. Miwa kuwe mari ka wadhi koro,  Chako gi tieko inibed kodwa,  Dhowa moselami e odi ni,  Kik gol weche makelonwa wich kuot. 3. Miwa kuwe mari ka wan e pinyni,  Kata wakuyo kata chunywa lit;  In kende In gi wach mahoyowa;  Nyasaye wageni, wan duto man ka. 4. Koro Nyasaye waparoi tinde,  Ka koro wasewinjo wach mamit;  Konywa ni mondo wamak wecheni;  Kik Satan mawa kata wach achiel.. (Amin)

1. Paruru nying Yesu koro, un jopiny machandore; Enomiu doko mamor, paruru nyinge koro. Nyinge ber moloyo, Nyingeno wageno ka; Nyinge ber moloyo (Nyinge ber, ober moloyo) Nyingeno wageno ka. 2. Paruru nying Yesu pile, Enogeng`nu maricho; Ka temruok odwaro lou, Lamuru gi nyingeno. 3. Paruru nying Yesu koro, E manyalo konyou; Ka orwakowa gi ng`uono, Paruru nying Yesu Ruoth. 4. En Ruodh ruodhi wanadende, ka wagone chongwa piny; Kucha e pinyruoth mar polo, Ka wuodhwa me piny rumo. (Amin)

1. Ruoth Yesu, nithona, koro aheri;  Kuom tekoni nawe richona duto;  In ma Jawar mang`won, rembi nochwerna;  Koro, Yesu Ruodha, aheri adier. 2. Aheri nikech nihera mokwongo; Niting`o richona e yadh Kalwari;  Nichandori malit nikech richona;  Koro, Yesu Ruodha, aheri adier. 3. Anaheri pile nyaka chieng` thona;  Anapaki pile ka pod angima;  Ka ngimana norum, to pod nawachni,  Koro Yesu Ruodha, aheri adier. 4. Eka kwadak kodi e dala Nyasaye,  E piny Ruoth manyienno nadendi pile.  Kosidhna osimbo napaki kawer;  Koro, Yesu Ruodha, aheri adier. (Amin)

1. Yesu, In miheroa, Yiena mond` aring iri;  Yesu ruaka, In mang`won, Pod aonge teko ka.  To masira loyoa, Piny otera kumabor;  Ok aneno yo maber, To ahombi konya ka. 2. Kristo, In miromona, In mimiya hap Nyasaye,  In michango jo matuo, In mihero jo motho; Yesu In maler adier, An arach moloyo ji;  Richo e mokethoa, Buchi e moloyoa. 3. Yo machielo ok adwar, In Iwuon e wang` yora,  Kik idaga, kik iling`, sira, hoya, ng`wonna.  Ee, Jakony, agenoi, Tekoni ichiwona;  Chungi buta nyaka chieng`; Demba, rita, kik alal. 4. Yesu, miya ng`wononi, Golna richo duto te,  Hombo to ahomboi; Luoka, guda,  Konya chuth, Bedi koda nyaka chieng`,  Nyisa tich michikoa; Dag e chunya, kik ia,  Ndalo duto nyaka chieng`. (Amin)