WENDE NYASAYE 31 - 07

1 Nyasachwa man malo, Wuon teko duto Onge teko moro mak tekone adier;  Onge ng`ato moro miporo go Nyasaye.  En Ruoth ruodhi, be Nyasach nyiseche. 2 Hera mar Nyasachwa, Hera adieri  En nooro Yesu nikech noherowa;  Ne Yesu othonwa mondo kik walal ngang`,  To wanahere kak` owinjore. 3 Ng`wono mar Nyasachwa, ng`wono mochwere;  Oloso ji duto, okonyogi pile;  Kik wacha Nyasachwa, to wamiye duong` chuth,  En Wuon ng`wono, gi hera, gi teko. (Amen)

1. Wapaki, Nyasaye,  In miherowa ngang`! Nioro Wuodi mond` othonwa e yath.           Alleluya! Wanapaki;            Alleluya! Amin.            Alleluya! Wanapaki;            Igwedhwa koro. 2. Wapaki, Nyasaye,  nikech Roho Maler.  Osefwenyonwa hera mar Jawarwa. 3. Pak duto obed ni Nyarombo Nyasaye,  Ma noting`o kethwa, rembe nochwernwa. 4. Pak duto obed ni, Nyasaye, Wuon ng`wono,  Ma noresowa kendo oritowa. 5. Chiew chunywa duto, pong`wa gi herani;  Mach moa e polo omi chunywa liet. (Amen)

1 Duong` obed ni Wuonwa kuom gi motimo;  Nikech nohero piny, mochiwo Wuode Ma notho e yath Mondo oluok richo,  Mondo ng`a moyie kuome oyud ngima. Wapak Ruoth, wapak Ruoth, Piny mond` owinj dwonde; Wapak Ruoth, wapak Ruoth, Mondo ji duto luor; Biuru ni Wuonwa kuom Yesu Wuode, Mondo wapake kuom gik mosetimo. 2 Ruoth Yesu noseng`iewowa gi rembe,  Nyasaye osingo ni jo moyie kuome,  Kinde ma giruako Yesu e chunygi  E ma enowenigie kethgi duto. 3 Osetimo tichne madongo ni piny,  Wamor moloyo kuom puonj Yesu Ruodhwa;  Wanamor moloyo gi chunywa duto,  Ka waneno wang` Yesu ma Jawarwa. (Amen)

1 Nying Yesu mondo yudi pak, Ji mondo gidende; Malaika me polo ku, Miuru Ruodhu duong`. Malaika 2 Miuru Ruoth duong` e chunyu, Geneuru kende; Ting` nyinge malo kuom jopiny,  Miuru Ruodhu duong`. Ting` nyinge 3 Un jo moketho, paruru kaka nogur Yesu;  Nowaru gi rembe maler,  Miuru Ruodhu duong`. Nowaru 4 Un jo mong`eyo ng`wono Ruoth,  Un ma koth Israel, Hereuru, pake gi wer,  Miuru Ruodhu duong`. Hereuru. (Amen)

1 To pakuru Ruoth me polo malo; Weruru maber: ohero adier; En lwanda mageno, Makonyo duto; Mosiko mochwere, mipako chutho. 2 To paruru piny, en hono maduong`, Gi nam, kodi yien, gi gode kod lum; Wawuoro ngang` rieko maloso kama; wapako Nyasachwa manyisowa ma. 3 Gik moko me piny onyisowa ma, Nyasachwa oduong`, oler adiera; Oherowa duto gotieno gokinyi; Omiyowa ngima, orito mang`won. 4 Jo malaika gipako mamor, Jatelo maduong` mohero jopiny; To wan jo mireso wadende maber, Wapaki adiera kama nyaka chieng`. (Amen)

1 Wuonwa, wabironi, konyruok waongego  In e kar konyruokwa, wasayoi; Kwapogore kodi,  to waneno chandruok; Wuonwa,  mond` ihowa, ka ma wantie.           Wuonwa wabironi, wan to wanyap            Kik iwewa kendwa Wuonwa, winjwa. 2 Ritwa kuom wasikwa, ritwa e chandruokwa  Warwa e masiche, kwaluongoi.  Chunywa ochandore, wadwaro tekoni  Wakwayoi chutho, miwa teko. 3 Ng`wononi imiwa, wabed magi chutho, Chunywa mond` iriti, ka wan e wuoth.  Telnwa, wakwayoi, nyaka watiek wuodhwa  Nyaka wadonj polo mar dak kodi (Amen)

1 Nyasaye indi nikonyowa, In tekowa mak rum; Waluor ang`o t`iritowa Ma nyaka piny ogik. 2 Chon ji maler nogenoi. Niritogi mang`won; To ng`wononi mak lokore Omiyo wageni. 3 Ka ne pok ichweyo pinyni Ne gi moro onge; To ne Intie Nyasaye maler, Intie ma nyaka chieng`. 4 To gik moko duto mag piny Gikadho akadha; To gir polo ma ok lal ngang`, Gir polo wanayier. 5 Nyasaye indi nikonyowa, In tekowa mak rum; Walu bang`i pile pile, Nyasaye ma Jakonywa. (Amen)

1. Winji yuakna, inyisa ng`wononi,  In Jakonya, bina; Chunya motur ogombo bironi,  In Jakonya, bina.           Asebayo mabor e piny malich,            Asebayo mabor kodi; kawa koro,            Idwoka e kundi, In Jakonya bina. 2 Aonge kara, kata kar konyruok.  In Jakonya, bina; Wang`i mang`uon miya bedo gi ler, In Jakonya, bina. 3 An kenda ka, to tienda ol e yo,  In Jakonya, bina; Ang`iyoi, mond` ayud mor kuomi,  In Jakonya, bina. 4 In ok nidag jalo ma chunye tur,  In Jakonya, bina; Winj alamna,  Kendo iwinj yuakna, In Jakonya, bina. (Amen)

1 Jachwechna gi Ruodha, Gigo ma an godo;  Nayudo duto e lueti, Gweth duto a kuomi;  Nayudo duto e lweti, Gweth duto a kuomi. 2 Nikech an chwech mari, Angima kuomi Ruoth;  An kaparo kak` ikonya Chunya opakoi;  An kaparo Kak` ikonya Chunya opakoi. 3. Ruoth, damii ang`o? Duto ne mari chon;  Achiwoni chunya chutho kata korach kama.  Achiwoni chunya chutho kata korach kama. 4 Pong` chunya gi hera, Imiya tekoni;  Weche, paro, gi ngimana, Obed mari chutho.  Weche, paro, gi ngimana, Obed mari chutho. (Amen)

1. Kristo, In Wuon ng`wono duto, Puonj chunya mond` opaki; Gwethni ma ayudo pile Miyo chunya mor kuomi. Puonja heroi adieri, Mond` aluwi kwonde te; Muchi mondo dak e chunya, Miya genoi pile. 2. An apaki, In Jakonya,  In mitelona pile;  An kaluwo bang`i pile,  Nachopi thurwa gi kuwe.  Yandi Yesu to nodwara  Ka nabayo yo marach;  Rembe nochwer mond` owara,  Noresa e kethona. 3. An to, an jagope chutho Kuom ng`wono motimona;  Hera mari mond` otweya  Abed ng`ati chutho, Ruoth.  Piny to kik oywaya kendo,  Asik kuomi, yaye Jakony;  Achiwoni chunya koro,  Obed mari nyaka chieng`. (Amen)

1 Yesu isesingo, kata ji manok chokore e nyingi,  inibed kodgi; Wan wageno wachni,  ka walemo ka; Yesu, bi igwedhwa,  fwenyrinwa koro.           Yesu, bi igwedhwa,            ka waling` kae;            Yesu, bi igwedhwa,            bed butwa pile. 2. Nisebedo kodwa ndalo mokadho;  To wadwari kodwa nyaka piny ogik;  Binwa, yaye Jawarwa, nyiswa ng`wononi;  Winjwa kendo yienwa, gwedhwa kwalemo. 3. Yesu, konywa mondo wapaki maber;  Bedi Kuom alamwa ma walami go.  Mond` itegnwa yiewa, kijiwo chunywa;  Pong` chunywa gi hera, menynwa wang` yorwa. (Amen)

1 Ji duto mondo wer wendni,  Denduru nying Yesu Ruodhwa! Nyisuru duong` Nyasaye Ruodhwa,  Denduru nying Yesu Ruodhwa!           Denduru nyinge, denduru nyinge,            Nying Ruodhwa obedi gi pak.            Denduru nyinge, denduru nyinge,            Denduru nyinge Yesu Ruodhwa! 2 Otieko luorowa duto;  Denduru nying Yesu Ruodhwa!  Oketho teko mar Satan,  Denduru nying Yesu Ruodhwa. 3 Oruako Jo malokrene;  Denduru nying Yesu Ruodhwa!  Rembe oluoko jo moyie;  Denduru nying Yesu Ruodhwa! (Amen)